Urtero bezala, Euskararen Nazioarteko Eguna izango da abenduaren 3an. Hori dela eta, Udaleko Euskara eta Kultura batzordeek herriko euskara eta kultura taldeekin batera egun osoko egitaraua antolatu dute honako leloarekin: Badakizu, erabili. Hona hemen eguneko egitaraua:

• 11:30 Hitz gurutzatuen binakako Bergarako lehiaketa, kanporaketa hastea. Munibe plazako karpan. Adinaren arabera, bi kategoria izango dira: 12-16 urte bitartekoa eta 16 urtez gorakoa. Ikus oinarriak. Izena emateko orria webgune honetan bete dezakezu. Horretarako azkeneko eguna: azaroaren 29a.
• 11:30 Teknologia berrietan euskaraz dauden aukerak aurkezteko saioak. Telefono mugikorrak, ordenagailuetako programak, sistema eragilea, nabigatzailea... euskaraz jartzeko aukerak azaldu eta horretarako laguntza eskainiko da.
• 13:00 Hitz gurutzatuen lehiaketa. Finala. San Martin plazan eta Munibe plazan.
• 14:30 Herri-bazkaria, bertso emanaldiarekin. Munibe plazako karpan. Berogailua egongo da. Menua: baba gorriak, oilaskoa entsaladarekin eta hojaldre tarta izozkiarekin. Txartelak salgai, 15 euroan Kultura Etxean eta Arrano eta Depor tabernetan. Azkeneko eguna: azaroaren 30a. Bazkal ostean Erregea eta Bufoia bertso-trama izango da Ander Lipus eta Sustrai Colinarekin.
• 16:30 Bazkalostean, Erregea eta Bufoia emanaldia, Ander Lipus eta Andoni Egañarekin.
• 18:00 Taun-Taun antzerki taldearen Txio-Txioka emanaldia, 4 urtetik 10 urtera bitartekoentzakoa, Zabalotegi aretoan. Sarrera: 3 euro.
• 19:00 Kantu-jira San Martin plazatik hasita. Esku-orriak banatuko dira euskal kantuen letrekin.